ԼԱՎԱԳՈՒՅՆ ԱՇԽԱՏԱՆՔԸ ԻՆՏԵՐՆԵՏՈՒՄ

Superyachts.com պորտալի կազմած աշխարհի ամենախոշոր զբոսանավերի վարկանշային աղյուսակի առաջին հորիզոնականում է հայտնվել միլիարդատեր Ռոման Աբրամովիչի Eclipse զբոսանավը: 2011 թվականի ընթացքում 174 մետրանոց Eclipse-ից ավելի երկար զբոսանավ չի կառուցվել:

Թոփ- 100-ում են հայտնվել Լոնդոնի «Չելսի» ֆուտբոլային ակումբի սեփականատիրոջ ևս երեք զբոսանավեր` Luna-ն, Pelorus-ն ու Ecstasea-ն. առաջին երկուսը կիսում են ցանկի 19-րդ հորիզոնականը, իսկ Ecstasea-ն զբաղեցրել է 50-րդ տեղը:

Eclipse-ը կառուցվել է 2009 թվականին, Համբուրգի Blohm & Voss նավաշինարանում:

Տարբեր գնահատականներով` դրա արժեքը մոտ 500 մլն եվրո է: Զբոսանավի ներքին սարքավորումների մասին սկզբունքորեն չի հաղորդվում: Հայտնի է միայն, որ նավի վրա կա երեք ուղղաթիռների համար նախատեսված հարթակ, 16 մետրանոց բաց լողավազան: Այն համալրված է հակահրթիռային համակարգով, նաև` հատուկ ճառագայթման սարքավորումներով` պապարացիների ֆոտոսարքերը չեզոքացնլու նպատակով:

Լավագույն տասնյակում են ընդգրկված նաև Բրունեյի արքայազնի, Սաուդյան Արաբիայի թագավորական ընտանիքի և մեդիամագնատ Դևիդ Գեֆենի նավերը: