ԼԱՎԱԳՈՒՅՆ ԱՇԽԱՏԱՆՔԸ ԻՆՏԵՐՆԵՏՈՒՄ

Մոտ 60 կին Լոնդոնի Հարլի սթրիթում դուրս է եկել երթի` կոչ անելով, որպեսզի մասնավոր կլինիկաներն անվճար հեռացնեն բրիտանուհիներին հրամցված ֆրանսիական Poly Implant Prostheses արտադրության կրծքի իմպլանտները:

Այդ ֆրանսիական ընկերությունը փակվել է վերջերս այն բանից հետո, երբ հայտնի է դարձել, որ կրծքի իմպլանտների մեջ օգտագործվել են նյութեր, որոնք նախատեսված են ներքնակների համար:

Մինչ հրապարակումը արգելված նյութերով «կրծքերի» տեր է դարձել ավելի քան 40.000 բրիտանուհի, որոնց այժմ համակել է զանգվածային հիսթերիան:

Նրանց մի մասն այսօր երթի է դուրս եկել հետևյալ գրությամբ պաստառներով. «Ժամային մեխանիզմով թունավոր ռուբեր» և «Առողջությունը` հարստությունից առաջ»:

Բողոքի դուրս եկած բրիտանուհիների առաջին թիրախը Harley Medical Group-ն է, դարձել որը նման իմպլանտներով է ապահովել մոտ 14.000 բրիտանուհիների, իսկ սկանդալից հետո հայտարարել, թե անվճար դրանք չի հեռացնի:

Այս ձեռնարկությունն ավելի շատ իմպլանտներ է տեղադրել, քան կոսմետիկ վիրահատության բրիտանական ցանկացած այլ հաստատություն:

Facebook սոցիալական կայքի միջոցով կազմակերպված բողոքի ցույցը շարունակվել է Transform կլինիկայի գրասենյակի մոտ, որը ևս հրաժարվել է անվճար հեռացնել իմպլանտները:

Հայտնի է, որ իմպլանտների հեռացման համար բրիտանացի մասնագետները պահանջում են լրացուցիչ 3000 ֆունտ:

Երկրի կառավարությունը մտադիր է այս առիթով հատուկ գովազդային արշավ ձեռնարկել հաջորդ շաբաթ, որով կանանց խորհուրդ կտրվի, թե ինչ և ինչպես անել նման դեպքերում: