Այնպիսի դարաշրջանում, երբ այս կամ այն աստղի` համացանցում հայտնված անհաջող նկարը դառնում է ծիծաղի առարկա, որոշ հայտնիներ չեն ամաչում բարձրաձայնել, որ գոհ են իրենց արտաքինից: Եվ դրա համար ամենևին էլ պետք չէ թոփ մոդելի արտաքին ունենալ` հայտնում է Music.Yahoo.Com-ը:
Քրիսթինա Ագիլերա
Վերջին ժամանակներում Ագիլերան կիլոգրամներ է «հավաքել»: Այս կապակցությամբ լրագրողների անտակտ հարցերին երգչուհին հանգիստ է վերաբերում: Նա հայտարարել է, որ իրեն քննադատության են ենթարկում բոլոր կողմերից: «Ոմանք ինձ գեր են համարում, ոմանք` շատ նիհար: Ես սիրում եմ իմ մարմինը, այն պաշտում է նաև իմ ամուսինը, իսկ իմ չորս տարեկան տղան մեծանում է առողջ ու երջանիկ: Այլ բան ինձ չի հուզում ու չի հետաքրքրում»,- ասել է աստղը:
Նիկի Մինաժ
Ռեփ երգչուհու «ախորժալի» մարմինը դուր է գալիս ինչպես նրա երկրպագուներին, այնպես էլ` գործընկերներին: Չնայած դրան, Մինաժը հայտարարել է, որ նրա անհատականությունը չի սահամանափակվում լավ կազմվածք ունենալով: «Մարդիկ որքան ցանկանում են, թող խոսեն, միևնույն է` ես կմնան այնպիսին, ինչպիսին կամ, ու կշարունակեմ առաջ գնալ»,- ասել է նա: 
Ջեսիկա Սիմփսոն
Երգչուհին սպասում է իր առաջնեկին, ինչն անդրադարձել է նրա կազմվածքի վրա: Սիմփսոնն ասել է, որ ամենևին էլ չի ամաչում իր «մեծ փորից», և հպարտությամբ է կրում իր փոքրիկին: 
Ռիհանա
Շատ ամսագրեր մեկ անգամ չէ, որ Ռիհանային ճանաչել են ամենասեքսուալը: Լրագրողների կարծիքով` «նա իդեալական մարմին ունի»: Ինքը` երգչուհին, այդքան էլ համամիտ չէր նրանց հետ: Ռիհանան միայն վերջերս է հայտարարել, որ սկսել է հավանել իր մարմինը: «Պետք է գոհ լինես այն ամենից, ինչ ունես, թե չէ ողջ կյանքդ դժբատ կլինես»: 
|