16:50 Մահվանից հետո Facebook-ով կարող եք հաղորդագրություններ ուղարկել |
Facebook սոցիալական ամենախոշոր կայքում, այսուհետ կարող եք հաղորդագրություններ ուղարկել, նույնիսկ եթե մահացել եք` տեղեկացնում է News.au լրատվական կայքն ու հավելում, որ այս լուրն առաջին հայացքից անհավանական է թվում, սակայն, իրականում Facebook-ի հեղինակներն արդեն հասցրել են այն փորձարկել: Մասնավորապես` բոլոր նրանք, ովքեր գիտեն, որ շուտով մահանալու են կամ պարզապես ցանկանում են գաղտնի մտքեր կամ տեսանյութեր գրել ու տեղադրել, որոց մասին հանրությունը կիմանա վերջիններիս մահից հետո, ապա «Եթե ես մահանամ» նախագիծը հենց նրանց համար է: Նախագծի հեղինակներն այն կարծիքին են, որ իրենց նորամուծությունը հատկապես կհետաքրքրի հիվանդ ու տարեց մարդկանց, ինչը կտակ գրելու նոր հնարավորություն կընձեռի նրանց: «Եթե ես մահանամ» էջից օգտվելը դյուրին դարձնելու համար, Facebook-ի մասնագետները ստեղծել են "trustees” այսպես կոչված` վստահված անձանց խումբը, ովքեր կհաստատեն ձեր մահը, եթե իհարկե նրանց եք վսատհել այդ «բարդ» գործը: Հավելենք, որ նախագիծն արդեն հավանության է արժանացել Facebook-ի 5000-ից ավելի բաժանորդների կողմից: |
|
|
| Մեկնաբանություններն ընդամենը՝: 0 | |