ԼԱՎԱԳՈՒՅՆ ԱՇԽԱՏԱՆՔԸ ԻՆՏԵՐՆԵՏՈՒՄ

Լոս Անջելեսի քաղաքային խորհուրդը, որի թաղամասերից մեկն ամերիկյան կինոարդյունաբերության կենտրոնը համարվող Հոլիվուդն է, հունվարի 10-ին նախնական լսումների ընթացքում հավանություն է տվել մի օրինագծի, որը պարտադրում է պոռնոֆիլմերի դերասաններին նկարահանումների ժամանակ պահպանակներ օգտագործել:

Ինչպես հաղորդում է բրիտանական BBC-ն, օրինագծին կողմ է քվեարկել 11 պատգամավոր, դեմ` 1-ը: Որպեսզի այն օրինական ուժ ստանա, անհրաժեշտ է ևս մեկ քվեարկություն, որն էլ կկայանա հաջորդ շաբաթ:

Լոս Անջելեսի քաղաքային խորհուրդը նման որոշում է ընդունել ՁԻԱՀ-ի դեմ պայքարի հիմնադրամի ճնշման ներքո, որի ակտիվիստները տասնյակ հազար ստորագրություններ են հավաքել օրինագծի օգտին:

Լոս Անջելեսի պոռնոարդյունաբերությունն ամեն օր նկարահանում է 3-4 պոռնոֆիլմ: Դրանց  տարեկան եկամուտները, տարբեր գնահատականներով, կազմում են 4-13 մլրդ դոլար: Դերասանները  յուրաքանչյուր ֆիլմի համար ստանում են 10-15 հազար դոլար: